Post Thread  Post Reply 
 
Thread Rating:
  • 0 Votes - 0 Average
  • 1
  • 2
  • 3
  • 4
  • 5
Mumbai Local
06-18-2011, 09:12 AM
Post: #1
Mumbai Local
Mumbai jaise shehar mein kisi laash ka milna koi ajeeb baat nahi hai par jab ek sar kati laash mile toh newpaper ke pehle nahi toh doosre page par toh khabar aa hi jaati hai. Aisi hi ek sarkati laash ek din Jogeshwari ke paas local trains ki railway tracks par paayi gayi. Akhbaar mein khabar chhapi, logon ne padhi aur bhool gaye.


Phir bhi us case ne policewalon ko sochne aur sar khujane par majboor kar diya. Pehla khyaal toh laash dekhkar yahi laga ke ya toh marne wala kisi train ki chapet mein aakar waqt se pehle chal basa ya khud zindagi se pareshan aakar railway tracks par apna sar rakh diya. Par bahut jaldi hi ye khyaal badal gaya. Wajah 2 thi.


Pehli toh ye ke laash ka sirf dhad haasil hua, sar ka door door tak koi pata nahi tha. Doosra ye ke shareer ke kisi bhi doosre hisse par chot ka koi nishan nahi tha jo ki accident ke case mein hona namumkin tha. Poora shareer salamat tha, sirf sar kaat diya gaya tha jo ki policewalon ko lakh koshish karne ke baad bhi tracks par door door tak kahin nahi mila.


Murder hua tha ye baat toh saaf thi par laash ke saath aisa salook kyun kiya gaya ye baat saaf nahi ho paayi. Aam taur par sar kaat kar kahin aur isliye chhupa diya jata hai ke marne wale ki shinakht na ho sake par is case mein aisa nahi tha. Laash par kapde sahi salamat tha aur koi bhi cheez jaise ke purse ya ghadi churayi nahi gayi thi. Purse se driver's license mila aur laash ki shinakht ho gayi. Marne wale ki biwi ne bhi dhad dekh kar apne pati ko pehchan liya.


Agle kuchh din tak sar ki talash hoti rahi. Railway tracks aur aas paas ke dustbins ko chhan liya gaya par sar nahi mila. Hamare desh mein jahan insani zindagi ki vaise hi koi keemat nahi aur jahan already itne cases pending pade hon ye baat bhi bas ek din ke akhbaar ki surkhi bankar reh gayi. Ye murder case bhi pending cases ki ek lambi list mein shaamil ho gaya aur shayad marne wale ke rishtedaro ke alawa sab is baat ko bhool gaye.


Par 2 mahine baad hi sabki yaad tab taza ho gayi jab aisi hi ek aur laash phir Jogeshwari mein hi railway tracks par paayi gayi. Pehle case ki tarah hi is baar phir badi safai ke saath sar kaat diya gaya tha jo ke dhoondhe se bhi nahi mila. Laash par kapde, purse, ghadi, ring sab kuchh tha. Policewalo ne laash ki pehchan ki aur kisi rishtedaar ne phir aakar shinakht pakki kar di.


"Ab in reporters ko kya bataoon?" Maine naashta karte hue apni biwi se kaha "Inhen toh har cheez ka jawab chahiye. Aur ab toh reporters hi nahi balki uper se bhi pressure aane laga hai. Har koi meri jaan kha raha hai ke main jaldi hi is case ki jad tak jaoon aur pata lagaoon ke kya ho raha hai. Jaise ye koi bahut hi aasan aur mamuli kaam ho"

"Agar ye kaam aasan aur mamuli hota toh un logon ko aapki koi zaroorat hi nahi thi" Meri biwi Priya ne kaha "Aur vaise bhi, aapse behtar policewala is shehar mein hai hi kaun? Jitne cases aapne solve kiye hain utne is shehar mein toh kya, poore desh mein kisi policewale ne nahi kiye honge"


Uski baat sunkar mere chehre par muskurahat phel gayi. Maine chashma utaar kar pyaar se uski taraf dekha. Jab bhi vo is tarah ki baaten karti thi, mujhe apne uper garv mehsoos hone lagta tha.


"Par is case mein toh mujhe kuchh samajh hi nahi aa raha hai ke kahan se shuru karun" Maine khade hote hue kaha "Dono marne walo ki kisi se koi dushmani nahi thi, dono kahin bhi involved nahi the, apni apni zindagi mein khush the aur sabse badi baat, dono ka aapas mein koi lena dena nahi tha. Vo dono toh kya, unke door door ke rishtedaar aur doston tak ek doosre se koi connection nahi tha. Par phir bhi vo dono ek hi tarike se maar diye gaye. Aur ek hi ilaake mein maare gaye"

"Tumhein yakeen hai ke in dono ko ek hi aadmi ne mara hai?"

"Lagta toh hai" Maine uthkar darwaze ki taraf chala "Yakeenan taur par pata karne mein thoda waqt lagega"


Par main galat tha, waqt laga nahi.


Usi raat 2 baje mera phone baja toh meri aankh khul gayi.

"Ek aur laash mili hai sir" Doosri taraf se constable ki aawaz aayi.

"Kahan?"

"Jogeshwari. Railway tracks par hi. Sar gayab hai"


Ye 3 mahine mein teesri laash thi.

Visit this user's website
Quote this message in a reply
06-18-2011, 09:13 AM
Post: #2
RE: Mumbai Local
Main murder site par jaane ki soch hi raha tha ke meri biwi bhi uthkar bedroom se bahar aa gayi.

"chai ya coffee kuchh bana doon?" Usne puchha

"Nahi mujhe fauran nikalna padega"

"5 min legenge bas. Tum taiyyar ho jao, main bana deti hoon" Kehkar vo bina mere jawab ka intezaar kiye kitchen ki taraf badh gayi.

Meri biwi Priya 46 saal ki ek sidhi saadi aurat thi. Koi use ek jhalak dekh kar hi bata sakta tha ke jawani mein vo behad khoobsurat rahi hogi. Is umar mein bhi teekhe nain naksh, saaf rang, lamba kad aur mazboot kaathi ki vo aurat mujhe aaj bhi jee jaan se pyaar karti thi, aur raah dekhti thi us din ki jab main retire ho jaoonga aur ham dono kahin kisi hill station mein chhota sa ghar lekar retire ho jaayenge.


Us becahri ko kya pata tha ke main apni zindagi ka har din ye sochte hue bita raha tha ke kaise usse chhutkara paoon. Kaise koi aisa karishma ho jaaye ke vo bina kuchh kahe sune mujhe chhodkar chali jaaye.


Use kya pata tha ke uska pata shaadi ke 25 saal baad ab is umar mein usko dhokha de raha tha.


Nisha ko dekhte hi mujhe usse pyaar ho gaya tha.

"And i love you yoo" Palatkar Nisha ne mujhse ek din kaha tha.

Uski umar takreeban 20-21 ke aas paas thi. Ek typical bengali beauty par uske chehre se zyada aakarshak tha uska shareer. Agar modern world ki terminology mein kahun toh sar se paon tak poori ki poori item bomb thi aur bistar par toh jaise aag laga deti thi.


Haan, main 50 saal ki umar mein 20 saal ki ek ladki ke saath so raha tha, apni biwi ko dhokha de raha tha.


Par jab main Nisha ke saath hota tha toh mujhe phir se jaise jawani ka ehsaas hota tha. Lagta tha ke main ab bhi vo sab kar sakta hoon jo aaj se 30 saal pehle kar sakta tha. Jabki apni biwi Priya ke saath mujhe har pal yahi mehsoos hota tha ke main buddha ho raha hoon, zindagi ke aakhri padav ki taraf badh raha
hoon. Nisha ke saath main ek aazad panchhi ki tarah hota tha, ek hiran ki tarah jo poore jungle mein uchhlata hua bhaag sakta tha jabki apni biwi ke saath main apne aapko ek kolhu mein lage hue buddhe bel ki tarah mehsoos karta tha.



"Mujhe apni poori zindagi mein aisa kabhi mehsoos nahi hua yaar" Maine ek din apne dost Sushil se kaha tha


"Mera dil bandh sa gaya hai is ladki ke saath. 25 saal ki apni shaadi mein maine kabhi Priya ko dhokha nahi diya. Mere liye meri zindagi bas mera kaam, mere bachche aur meri biwi the. Par jab main Nisha se mila toh kuchh ho sa gaya yaar. Usne mujhe jaise phir se jeena sikha diya. Mere se aadhi umar ki is ladki
ne mujhe sikhya ke vasna aur prem ka asli matlab kya hai. Achha tu hi bata, kya tuje use dekhke nahi lagta ke bhagwan ne use sirf isliye banaya hai ke uske saath pyaar kiya jaaye? Aur hairat ki baat pata hai kya hai? Ke vo bhi mujhse utna hi pyaar karti hai. Kyun? Ye main bhi nahi janta. I mean kya dekha usne mujh mein? Main umar mein uske baap se bhi bada hoon, mera pet nikla hua hai, main ganja hoon, shaadi shuda hoon, jawan bachcho ke baap hoon......"


"Ek baat toh pakki hai dost" Sushil ne meri lambhi baat a jawab diya "Ye zyada din aise nahi chal sakta. Kisi na kisi tarah se is sabka koi na koi anjaam toh hoga hi. Par haan teri baat se inkaar nahi hai mujhe,

Nisha hai toh kamal ki par kamal ki cheezen kabhi kabhi khatarnaak bhi hoti hain"

"Tu aisa kaise keh sakta hai yaar. Tune kabhi usse baat bhi karke dekha hai?"

"Sab auraten ek jaisi hi hoti hain dost" Sushil ne cigarette ka lamba kash lete hue kaha "Aur inmein unka koi dosh bhi nahi hai. Bhagwan ne banaya hi aisa hai unko, ek jaisa. Tiriya charitra ke baare mein toh suna hai na?"


Main gusse se ghoorkar dekha toh Sushil samajh gaya ke vo had ke bahar ja raha tha.


"Dekh yaar" Vo aage hokar mera haath pakadte hue bola "Main sirf ye keh raha hoon ke tu jo kar raha hai khatarnaak hai. Teri poori zindagi barbad kar sakta hai. Jo izzat une in saare saalon mein kamayi hai ek pal mein khatam ho sakti hai"


Vo sahi keh raha tha. Meri biwi, mere pariwar, mere doston, aur society ki nazar mein meri bahut izzat thi jo ki ek pal mein khatam ho jaati agar logon ko ye khabar ho jaati ke main budhape mein aise gul khila raha hoon.

"Dekh tu is waqt 2 auraton ke saath bhida hua hai" Sushil ne apni baat jaari rakhi "Aur auraten hamari tarah nahi hoti" Tujhe lagta hai ke teri biwi bevakoof hai? I am sure ke shak toh usko ab tak already ho hi chuka hoga"

"Usne kuchh kaha toh nahi ab tak" Maine jawab diya

"Of course nahi kaha hoga. Vo tujhse zyada samajhdaar hai. Vo is umar mein apni shaadi thode hi khatam karegi"

"Vaise aajkal kehti hai ke usko ajeeb ajeeb khwab aate hain. Kehti hai ke uske sapno mein main kisi doosri aurat ke saath hota hoon. Par phir khud hi haskar baat taal deti hai"

"Mujhe toh lagta hai ke vo tujhe ishara kar rahi hai ke usko sab pata hai"

"Kabhi kabhi toh yaar sochta hoon ke khud hi use sab bata doon"

Sushil ke haat se jaise whiskey ka glass girte girte bacha.

"Tera na saale sahi mein dimag kharab ho gaya hai" Usne mujhe ghoorte hue kaha "Ye galti kabhi mat karna. At least us din tak toh nahi jab ke tune Priya ko chhodke ka apna man bana liya ho"
Visit this user's website
Quote this message in a reply
06-18-2011, 09:13 AM
Post: #3
RE: Mumbai Local
Sarkati laashon ka case jaise khatam hone ka naam hi nahi le raha tha. Is baar media wale ne baat ko hadh se zyada tool de diya tha. Rozana akhbaar mein koi na koi headline hoti thi. Koi inko stoneman murders ke saath jod raha tha toh koi kehta tha ke abhi aur log marenge, aur laashen milengi.

"Ham apni koshish mein koi kami nahi chhod rahe. Jo bhi is sabke pichhe hai vo kanoon se nahi bachega"

Maine ek press conference mein kaha

"Kya un laashon ke sar mile ab tak" Ek reporter ne sawal kiya

"Nahi unki talash bhi ab tak jaari hai" Maine jawab mein kaha


Aur is sabka asar public par padta hua bhi dikhai dene laga tha. Jogeshwari toh kya, aas paas ke saare railway stations ke kareeb log der raat akele nahi ghoomte the. Late night local trains mein log ab kam hi nazar aate the aur akele toh bilkul bhi nahi. Jahan laashen mili thi us ilaake mein log 10 baje ke baad akele toh dikhai dete hi nahi the. Ek anjaan sa khauff jaise poore Jogeshwari mein phel gaya tha. Har koi
ummed kar raha tha ke main jaldi hi khooni ko pakad kar is saare tamashe ko khatam kar doonga.


Par mere liye khooni ko pakadne ke saath saath ek aur pareshani wali baat uth khadi hui thi. Nisha ne ek din achanak mere sar par bomb gira diya tha ke vo pregnant thi aur bachcha girana nahi chahti thi.

"Mujhe laga ke ham shaadi karne wale the?" Rote rote usne phone par mujhe kaha

"Par main already shaadi shuda hoon" Maine jawab diya

"Main soch rahi thi ke tum apni biwi ko chhodkar mere paas aa jaoge. Main apna sab kuchh tumhare saath baatna chahti hoon, tumhein poori tarah apni zindagi mein lana chahti hoon" Vo sisakte hue boli

"Par ham aise bhi toh saath hi hain na" Maine kaha

"Nahi. Aise nahi. Aise toh samaj ke saamne ye bahut bada paap hai" Usne jawab diya aur phone rakh diya


Mera dhyaan mere kaam se hat gaya. Mujhe samajh hi nahi aa raha tha ke main kya kar raha hoon. DIn raat main bas Nisha ke baare mein hi sochta rehta tha. Kaash aisa ho jata ke Priya mujhe khud hi chhodkar chali jaati? Kaash aisa ho jata ke Nisha utne mein hi khush rehti jitna ke main use de raha tha? Auraton ke saath kyun aisa hota hai ke unhen jitna bhi diya jaaye kam hai? Aisa lagta hai ke jitna tum do utne zyada ki unhen zaroorat rehti hai. Us din tak jabke tumhare paas dene ko aur kuchh baaki na reh jaaye.


Murder investigation jaise cheenti ki chaal chal rahi thi. Mere paas na koi motive tha, na koi shak ke ghere mein tha aur na hi case mein koi leads mili thi. Mere uperwale mujhpar dabav daal rahe the, press mera mazak uda rahi thi aur mere nichewale mera mazak uda rahe the. Kisi ko shayad ye samajh nahi aa raha
tha ke Mumbai police ka decorated officer achanak itna dheela kaise pad gaya.
Ek din main case ke silsile mein Jogeshwari railway stataion par gaya par aadhe ghante ki jhak jhak ke baad jab kuchh haasil nahi hua toh main aur mere saath ka constable vaapis pilice jeep ki taraf badhe.


Railway station ke andar bane ek pull ki sidhiyon ke paas khada ek aadmi kuchh papers baant raha tha, kisi cheez ka ishtehaar.

"Professor Nofrat" Ek kagaz ka tukda usne mere haath mein bhi thama diya "Zindagi ke har mamle mein aapki madad kar sakte hain. Apna haath ek baar zaroor dikhayen......"

"Kya bakwaas hai ye" Maine kagaz ek taraf uchhal diya

"Apke liye bakwaas ho sakta hai sir" Mere saath chal rahe constable ne kagaz phir uthaya "Par bahut saare log yakeen rakhte hain ismein. Aur ab toh Astrology ek science bhi ban gayi hai. Main toh kehta hoon ke 90% log roz akhbaar mein apna horoscope zaroor padhte honge"

"Shayad" Maine vo kagaz ka tukda usse vaapis liya aur uspar nazar daali.


Kisi haath dekhne wala ka ishtehaar tha jo apne aapko Professor kehalvana pasand karta tha, na ki Baba.


PROFESSOR NOFRAT

Kya aap zindagi se mayoos hain? Kya aapki biwi aapse khush nahi? Kya aap kaam mein tarakki nahi kar pa rahe? Kya aapko bachcha nahi ho pa raha? Kya aapki mashooka aapse ab pyaar nahi karti? Kya aap apne pyaar
ka izhaar apne dil mein basne wali se nahi kar pa rahe? Toh na hon udaas kyunki upaay hai hamare paas. Ek baar avashya mile ya neeche diye number par phone karen. Paise kaam poora hone ke baad

022 .........
+9199 .........
Visit this user's website
Quote this message in a reply
06-18-2011, 09:13 AM
Post: #4
RE: Mumbai Local
Nisha ne ab mujhse milna ya baat karna bilkul band kar diya tha aur main uske ishq mein diwana hua ja raha tha. Priya ke saath meri sex life kabki khatam ho chuki thi isliye bistar par mujhe Nisha ki zaroorat hadh se zyada mehsoos ho rahi thi. Kisi college mein padhne wale ladke ki tarah main aksar Nisha ke ghar ke saamne bane park mein betha rehta.

Uski ek jhalak paane ko.

Ye dekhne ko ke kya vo kisi aur ke saath hai?

Kai baar maine socha ke uthkar khud uske ghar pahunch jaoon par phir Nisha ke vo baat yaad aa jaati ke agar maine usse milne ki koshish ki toh vo apni jaan de degi.

Nahi, aisa toh main bilkul nahi chahta tha.

Us park mein bethe vo aksar mujhe dikhai deti thi. Usne cigarette peeni phir se shuru kar di thi jo maine badi koshish aur wadon ke baad chhudvayi thi. Case ke baare mein sochna toh maine kabka band kar diya tha.

Aur mera yahi junoon tha ke ek din maine dil ke haathon haar kar Professor Nofrat ko phone kar diya, is ummeed ke saath ke shayad vo meri koi madad kar de. Shayad vo kuchh aisa kar de ke Nisha ka dil badal jaaye aur vo phir meri zindagi mein aa jaaye.


"Aaiye andar aaiye" Professor Nofrat ne darwaza kholte hue kaha. Phone par usne mujhe aakar milne ko kaha aur main usi shaam uske bataye address par pahunch gaya tha

Rang roop mein vo bilkul kala tha. Dekhkar kaha nahi ja sakta tha ke desh ke kis hisse ka vo rehne wala hai par ghar aur usko dekh kar kaha ja sakta tha ke apne dhandhe mein vo paise achhe kama raha tha.

"Aapne apna naam ab tak nahi bataya" Usne mujhe ek chair par bethne ka ishara kiya aur mere saamne bethte hue mujhse puchha.

"Mera naam is waqt utna zaroori nahi jitna ke aapka mujhe ye batana ke aap meri koi madad kar sakte hain ya nahi?" Maine policiya andaz mein jawab diya

"Jahan takleef hoti hai vahan ilaaj bhi hota hai. Every problem has a solution" Usne muskurate hue meri baat ka jawab diya.

Usne kaale rang ka ek suit pehna hua tha jo dekhne se hi kaafi mehenga maalum ho raha tha jabki main toh laal ya bhaguve rang mein kisi baba ki ummeed kar raha tha. Haath par mehengi ghadi, sone ki anguthiyan, golden frame ka chashma, lakshmi uspar meherban thi.

"Chaliye naam abhi mat bataiye. Apni problem bataiye" Usne mujhse kaha

Agle aadhe ghante tak main kisi tote ki tarah apni kahani us anjaan aadmi ko batane laga. Baaton baaton mein main use apna, Priya aur Nisha ka naam bhi bata gaya. Isko kahani batakar aakhir jaayega bhi kya, maine dil hi dil mein socha tha. Is bahane se kam se kam mere kandho se ek bojh hat gaya tha kyunki mujhpar kya guzar rahi thi main bahut din se kisi ko batana chah raha tha. Kisi aise ko jo sune magar mere baare mein koi faisla na kare, mujhe judge na kare. Mujhe lagne laga tha ke agar yahi pagalpan chalta raha toh main ya toh apne aapko khatam kar loonga ya kisi aur ko nuksaan pahuncha doonga. Priya aur Nisha ke beech main aisa phasa hua tha ke Nofrat se baat karne mein mujhe koi nuksaan dikhai nahi diya.


"Hmmmmmm" Mere baat khatam hone par vo bola "Aap pehle nahi hain jo mere paas is tarike ki pareshani lekar aaye hain aur shartiya taur par main aapki madad kar sakta hoon. Par ye mere liye aasan nahi hai. In sabke liye ek special process hota hai, ek ceremony ki jaati hai jise ham aam bhasha mein tantra ya pooja kehte
hain. Aap shadi shuda hain aur aap chahte hain ke main ek nahi balki 2 auraton ka mann badal doon. Aapki biwi ka mann aisa banaoon ke vo aapko chhod kar chali jaaye, bina kuchh kahe sune aur aapki premika ka mann aisa banaoon ke use aapke siwa duniya mein kuchh dikhai na de. Aur aisi cheezon ke liye kai baar ajeeb ajeeb raaste lene padte hain. Kurbani deni padti hai. Sacrifice jise ham kehte hain"

"Kis tarah ka sacrifice?" Maine puchha

"Vo aap mujh par chhod dijiye. Ab bina anda phode toh omlette ban nahi sakta. Par is sab mein kharcha bahut aayega"

"Kitna?" Maine puchha aur jitna paisa usne bataya, vo sunkar meri aankhen phel gayi.

"Janta hoon ke aapko bahut zyada lag raha hai par befikar rahiye. Paisa main aapse kaam hone ke baad loonga kyunki mujhe yakeen hai ke kaam ho jaane ke baad aap khushi khushi paisa dene khud aayenge. Aur vaise bhi, agar main aapke liye kuchh kar sakta hoon toh aapke khilaff bhi kar hi sakta hoon"

Uska andaaz aisa tha ke main sihar utha.


"Toh theek raha phir. Toh main aapse 2 hafte baad milunga. Aap mere paas aa jaaiyega is mahine ki 15 tarikh ko. Tab tak main un cheezon ka intezaam kar loonga jo hamen ceremony ke liye chahiye hongi"

"Aap mujhe bata dijiye, main aapko cheezen lakar de doonga" Maine kaha toh vo has pada

"Arrey nahi nahi. Ye mera kaam hai aap mujhpar hi chhod dijiye. Is tarah ki pooja mein jo cheezen chahiye hoti hain vo aapki soch se pare hain. Ye ek tantra aahuti hai, yahan bali deni padti hai aisi cheezon ki jo ham aksar apne kaleje se lagaye ghoomte hain"

Mujhe samajh nahi aaya ke uski baat ka kya jawab doon.

"Aapke paas aapki biwi aur aapki premika ki koi tasveer hai?" Usne mujhse puchha
Priya ki tasveer mere purse mein thi jo maine use de di par Nisha ki koi tasveer mere paas nahi thi.

"Chaliye koi nahi, mujhe bataiye ke vo dikhti kaisi hai aur bahut bariki se bataiyega" Usne kaha toh main Usko Nisha ke baare mein batane laga aur vo ek paper par likhne laga.

Aakhir mein usne mujhse un dono ki koi cheez maangi. Mere paas us waqt by chance meri biwi ka pen tha aur Nisha ka diya hua rumaal jo vo pehle khud istemaal karti thi par aakhri mulaqat mein mere paas reh gaya tha aur jise main saath saath liye ghoomta tha.


Dono cheezen maine use de di.
Visit this user's website
Quote this message in a reply
06-18-2011, 09:14 AM
Post: #5
RE: Mumbai Local
Aakhir 2 hafte guzre aur vo din aaya jiska main besabri se intezaar kar raha tha, yaani ke Pooja ka din.


Jis din meri saari mushkilen hal ho jaani thi, jis din Nisha poori tarah meri hokar meri zindagi mein aa jaani thi.

Meri biwi jaldi so gayi thi aur main raat ke 11 baje chup chap Nofrat ke paas jaane ke liye taiyyar ho raha tha ke achanak phone baj utha.


"Kya hai?" Maine gusse mein phone uthate hue puchha

"Sir commissioner sahab ne aapko bulaya hai" Doosri taraf se aawaz aayi

"Kyun kya ho gaya?"

"Sir phir se laash mili hai" Sunkar mera dil dhadak utha

"Kahan?"

"Vahin Jogeshwari mein sir. Railway tracks par"

Main ajeeb halat mein phas gaya. Mujhe Nofrat se milne jana tha par Commissioner ki baat bhi nahi taal sakta tha.

"Theek hai main aa raha hoon" Kehkar maine phone rakh diya.


Nofrat Jogeshwari mein hi rehta tha. Main commissioner se milke sidha uske paas ja sakta tha. Ghar se main taiyyar hokar nikla.

Jogeshwari railway station ke bahar maine apni gaadi roki toh ek constable fauran meri gaadi ki taraf aaya.


"Kya chal raha hai?" Maine puchha

"Toofan macha hua hai sir. Kisi railway mein kaam karne wale aadmi ne laashen dekhi aur police ko phone kiya" Constable ne jawab diya

"Laashen?" Maine hairat se uski taraf dekha

"Is baar 2 mili hain sir" Usne kaha aur mere pichhe pichhe chal pada


Jahan laashen mili vahan logon ki bheed lagi hui thi. Aane jaane wali sab trains ko filhal ke liye rok liya gaya tha. Policewalo aur media ne poori jagah ko gher rakha tha.


"Sir marne wale kaun hain?"

"Aakhir ye kab tak chalega? Police kuchh karti kyun nahi?"

"Kya aapke paas koi leads hain?"

"Kya kisi par shak hai"

Aur is tarah ke hazaron sawal mere vahan pahunchte hi chaaro taraf se uthne lage. Main sabse bachta hua laash ke kareeb pahuncha. Commisioner bhi vahin side par khade the. Meri nazar unse mili aur gusse mein unhone mujhe ghoora.


Chaaro taraf roshni pheli hui thi aur mere saamne 2 shareer pade hue the, safed chadar mein dhake hue aur uper ki taraf jahan unka sar hona chahiye tha vahan khoon ka dhabba bana hua tha. Sar dono laashon ke gayab the.

"Is baar dono auraten hain sir. Filhal kuchh bhi chheda nahi gaya hai" Saath khade sub-inspector ne mujhse kaha toh maine ishare se chadar uper karne ko kaha.


Chadar halki si uper ki gayi taaki main laash ko dekh sakun. Vo koi 40-45 saal ki aurat thi. Dekhne se vo saaf rang, lamba kad aur mazboot kaathi ki aurat lagti thi.
Mere dil ki dhadkan tez hone lagi. Saamne pade shareer ki jis tarah ki banavat thi, agar mujhe ye pata na hota ke meri biwi ko main abhi ghar par sota hua chhodke aaya hoon, toh mujhe yahi lagta ke vo meri biwi hai.


Tabhi meri nazar us aurat ke haath par padi. Uske haath mein ek pen tha. Maine neeche bethte hue kareeb se dekha. Ye meri biwi ka pen tha, vahi pen tha jo maine Nofrat ko diya tha.


"Ek ceremony karni padti hai, ek pooja. Ab aap mujhe bataiye ki aapki biwi aur permika dikhti kaisi hai. Bahut baareeki se bataiyega" Mujhe Nofrat ki baaten yaad aa rahi thi.


Dhadakte dil ke saath maine maine doosri laash se chadar hatayi.Sabse pehli cheez jo mujhe nazar aayi vo thi us laash ke haath par bandha rumaal.


Nisha ka rumaal, jo maine Nofrat ko diya tha.


Pehli aurat, shareer se bilkul meri biwi jaisi. Main shayad janta tha ke doosri chadar ke neeche jo aurat hogi vo kaisi hogi par jab chadad uthi toh mujhe khade khade chakkar aa gaye.


Bhale hi laash se sar gayab tha par Nisha ka jism main ek pal mein dekhte hi pehchan gaya.
Visit this user's website
Quote this message in a reply
Post Thread  Post Reply 


Possibly Related Threads...
Thread: Author Replies: Views: Last Post
  Mumbai ki Ladki ki Chudai SexStories 4 21,688 11-23-2012 02:40 PM
Last Post: jess yadav
  I was travelling to Hyderabad from Mumbai Sex-Stories 1 8,277 07-01-2012 08:58 PM
Last Post: Sex-Stories
  My mom is an Escort in Mumbai Sex-Stories 3 9,769 06-02-2012 01:55 PM
Last Post: Sex-Stories
  Mumbai ki Barsaat Sexy Legs 0 6,559 10-01-2011 02:53 PM
Last Post: Sexy Legs
  Rosh from Mumbai Sexy Legs 0 960 07-13-2011 10:26 PM
Last Post: Sexy Legs
  Sex with two guys in Mumbai angelkisses 0 3,764 07-07-2011 06:15 AM
Last Post: angelkisses
  Sex with two guys in Mumbai angelkisses 0 2,190 07-07-2011 05:59 AM
Last Post: angelkisses
  Sex with two guys in Mumbai 3 angelkisses 0 5,546 07-07-2011 05:54 AM
Last Post: angelkisses
  Mumbai mein chudai angelkisses 0 2,294 07-03-2011 09:09 AM
Last Post: angelkisses
  Meri mumbai-wali bhabhi angelkisses 0 6,789 07-03-2011 04:52 AM
Last Post: angelkisses